‘മാഡം, താങ്കള്‍ തീരുമാനിച്ചോളൂ’; രാഷ്ട്രപതി തെരഞ്ഞെടുപ്പിന് ആരെ നിര്‍ദേശിച്ചാലും പിന്തുണയ്ക്കാമെന്ന് സോണിയ ഗാന്ധിയോട് ലാലു പ്രസാദ് യാദവ് 

May 18, 2017, 5:01 pm
‘മാഡം, താങ്കള്‍ തീരുമാനിച്ചോളൂ’; രാഷ്ട്രപതി തെരഞ്ഞെടുപ്പിന് ആരെ നിര്‍ദേശിച്ചാലും പിന്തുണയ്ക്കാമെന്ന് സോണിയ ഗാന്ധിയോട് ലാലു പ്രസാദ് യാദവ് 
National
National
‘മാഡം, താങ്കള്‍ തീരുമാനിച്ചോളൂ’; രാഷ്ട്രപതി തെരഞ്ഞെടുപ്പിന് ആരെ നിര്‍ദേശിച്ചാലും പിന്തുണയ്ക്കാമെന്ന് സോണിയ ഗാന്ധിയോട് ലാലു പ്രസാദ് യാദവ് 

‘മാഡം, താങ്കള്‍ തീരുമാനിച്ചോളൂ’; രാഷ്ട്രപതി തെരഞ്ഞെടുപ്പിന് ആരെ നിര്‍ദേശിച്ചാലും പിന്തുണയ്ക്കാമെന്ന് സോണിയ ഗാന്ധിയോട് ലാലു പ്രസാദ് യാദവ് 

ന്യൂ ഡല്‍ഹി: രാഷ്ട്രപതി തെരഞ്ഞെടുപ്പിന് പ്രതിപക്ഷ സ്ഥാനാര്‍ത്ഥിയാവാനുള്ള കോണ്‍ഗ്രസ് അധ്യക്ഷ സോണിയ ഗാന്ധിയുടെ ആവശ്യം എന്‍സിപി അധ്യക്ഷന്‍ ശരദ് പവാര്‍ തള്ളിയെങ്കിലും ഐക്യദാര്‍ഡ്യം പ്രഖ്യാപിച്ച് ലാലു പ്രസാദ് യാദവ് രംഗത്തെത്തി. രാഷ്ട്രപതി തെരഞ്ഞെടുപ്പില്‍ കോണ്‍ഗ്രസ് അധ്യക്ഷയുടെ ഏത് തീരുമാനത്തിലും നിര്‍ലോഭമായ പിന്തുണ നല്‍കുമെന്നാണ് ആര്‍ജെഡി അധ്യക്ഷന്റെ പ്രഖ്യാപനം. ബിജെപിക്കെതിരായി സോണിയ ഗാന്ധി തെരഞ്ഞെടുക്കുന്ന ഏത് പ്രതിപക്ഷ സ്ഥാനാര്‍ത്ഥിയേയും പിന്തുണയ്ക്കാമെന്ന് ലാലു ഉറപ്പ് നല്‍കി.

മാഡം, താങ്കള്‍ തീരുമാനമെടുത്തുകൊള്ളു, ഞങ്ങളെല്ലാം ഒപ്പമുണ്ട്.

ബുധനാഴ്ച സോണിയ ഗാന്ധി രാഷ്ട്രപതി തെരഞ്ഞെടുപ്പുമായി ബന്ധപ്പെട്ട് ലാലു പ്രസാദ് യാദവിനെ വിളിച്ചപ്പോഴാണ് ലാലു ഇത്തരത്തില്‍ പിന്തുണ പ്രഖ്യാപിച്ചത്. ആഗസ്തില്‍ ബിജെപിക്കെതിരായ ആര്‍ജെഡി അധ്യക്ഷന്‍ ഒരുക്കുന്ന റാലിയില്‍ ആരോഗ്യ സ്ഥിതി മോശമായതിനാല്‍ വന്നെത്താന്‍ പറ്റുമോയെന്ന കാര്യത്തില്‍ സംശയമാണെന്നും സോണിയ അറിയിച്ചിരുന്നു. ഡല്‍ഹിക്ക് പുറത്തേക്കുള്ള യാത്ര ആരോഗ്യസ്ഥിതി വഷളാകുമെന്നതിനാല്‍ ഇപ്പോള്‍ ഒഴിവാക്കുകയാണെന്നും എന്നാല്‍ കോണ്‍ഗ്രസിന്റെ എല്ലാ പിന്തുണയും ഉണ്ടാവുമെന്നും അവര്‍ ഉറപ്പ് നല്‍കി.

ബിഹാറില്‍ കോണ്‍ഗ്രസിന്റെ സഖ്യകക്ഷിയാണ് ആര്‍ജെഡി. പ്രതിപക്ഷ നേതാക്കളെ വേട്ടയാടുന്ന കേന്ദ്രസര്‍ക്കാര്‍ നയത്തിനെതിരേയും ജനദ്രോഹ നടപടികള്‍ക്കെതിരേയുമാണ് ലാലു മഹാറാലി സംഘടിപ്പിക്കുന്നത്. ബിജെപിക്കെതിരായി രാജ്യത്ത് പ്രതിപക്ഷ പാര്‍ട്ടികളുടെ ഐക്യം രൂപപ്പെടുത്താനുള്ള ശ്രമത്തിലാണ് മുഖ്യ പ്രതിപക്ഷമായ കോണ്‍ഗ്രസ്.